Bötendön’ya säwdä oyışmasında berençe xatın-qız häm afrikalı citäkçe

Nigeriyanıñ êlekkege finans häm tışqı êşlär ministrı Ngozi Okondjo İveala Bötendön’ya säwdä oyışması ğomum mödire bularaq bilgelände. Ul oyışmanıñ berençe xatın-qız häm afrikalı citäkçese.

İveala wazıyfasına 1nçe martta kereşäçäk häm 2025nçe yılnıñ 31nçe avgustına qadär xezmät itäçäk.

Yaña mödirne dön’yaküläm säwdä belän bäyle bik küp sanda krizis kötä. İvealanıñ xalıqara täcribäse, alğa kitkän häm üsep kilüçe illär belän qorğan köçle êlemtäläre yärdämendä oyışmanıñ qabat torğızıluına öleş kertäçägen uylıylar.

Törkiyä nigeriyalı kandidat Ngozi Okondjo İvealanıñ Bötendön’ya säwdä oyışması ğomum mödire bularaq saylanuına qanäğat’. Tışqı êşlär ministrlığınnan yasalğan belderüdä bolay diyelä: “İq’tisad häm diplomatiya mäydannarında bay täcribägä iyä möxtäräm Ngozi Okondjo İvealanı qotlıybız, Bötendön’ya säwdä oyışmasındağı êşçänlegendä uñışqa ireşäçägenä ışanabız”.