Törkiyä maşinaların sattı

Törkiyäneñ avtomobil’ citeşterü tarmağında lokomotiv şähärlär arasına kerüçe Sakariyada uzğan yıl 255 meñ 693 maşina çığarıldı.

Avtomobil’ sänäğate cämğıyäte mäğ’lümatlarına qarağanda, Törkiyädä 2020nçe yılda, traktorlarnı da kertep, 1 million 335 meñ 957 texnika yasalğan. Alarnıñ 930 meñnän artığı êksportqa kitä. Älege kürsätkeçtä Sakariyäneñ öleşe 21%. Töbäktä çığarılğan 255 meñ yarımnan kübräk texnikanıñ 76,4%ı, yäğ’ni 195 meñ berämlektän artığı çitkä satıldı. Näticädä Sakariya il iq’tisadına 4 milliard 3 million 855 meñ dollar kertem täêmin itte.  

Sakariya êksport isemlegendä İstanbul, Bursa, Kocaeli, İzmir, Änkara häm Gazianteptan soñ 7nçe urında. Annan uzğan yıl 153 däwlät häm 10 irekle töbäkkä yaqınça 4 milliard yarım tovar cibärelde.