İlon Mask iñ bayı

Êlektrlı avtomobil’ çığaruçı Tesla häm SpaceX şirkätläreneñ yuğarı idaräçese İlon Mask 188 milliard yarım dollarlıq mal-mölkäte belän dön’yanıñ iñ bay keşese buldı.

Teslanıñ akśiyäläre kiçä 5%qa kütärelde. Bu isä şirkätneñ xucası İlon Masknı dön’yadağı iñ bay 500 keşe arasında berençe urınğa quydı.
Bloomberg milliarderlar indeksına qarağanda, Mask 188,5 milliard dollarlıq mal-mölkäte belän 2014nçe yılnıñ oktyabrennän birle isemlektä berençe bulğan Amazon şirkäten tözüçe Djeff Bezosnı artta qaldırıp öskä çıqtı.

Tesla akśiyälärendä soñğı 1 yıldağı üseş Masknıñ mölkäten 150 milliard dollarğa artuın täêmin itte. Uzğan yıl qıymmätle qäğaz’lär 743%qa artı.

Mask uzğan ay ber interv’yuda matdi baylıq belän bik qızıqsınmawın, Tesla häm SpaceXnıñ akśiyäläre tışında bik az mölkäte barlığın belderde. Ul baylığınıñ çın maqsatınıñ keşelekneñ ğaläm yulçılığı başqaruçı śivilizaśiyägä äwerelüen tizlätü buluın söyläde.  
Dön’yadağı iñ bay 500 keşeneñ mölkätläre 2020nçe yılda yaqınça 1,8 trillion dollarğa arttı häm 7,6 trillion dollar täşkil itte.