Rusiyägä iñ küp persik êksportlandı

Turktatar.com beldergänçä Qara diñgezdän Rusiyä Federaŝiyasenä ğıynwar-sentäbr’ çorında başqarılğan yaña ölgergän ciläk-cimeş häm yäşelçä êksportında 14 million 946 meñ dollarlık öleşe belän persik berençe urında buldı.

Könçığış Qara diñgez êksportçılar berelegeneñ başqarma şurası başlığı Saffet Kalyoncu Anadolu agentlığı xäbärçesenä yasağan açıqlawında töbäktän yılnıñ 9 ayında Rusiyägä 101 meñ 883 tonnalıq yaña ölgergän ciläk-cimeş häm yäşelçäneñ êksportlanuın äytte.

Töbäkneñ älege êksporttan 83 million 889 meñ 335 dollarlık kerem täêmin itülärenä iğtibarnı cälep itkän Kalyoncu başqarılğan êksportta uñış bularaq persiknıñ berençe urında buluın citkerde.

Kalyoncu persik êksportınıñ uzğan yılnıñ şul uq çorı belän çağıştırğanda 8%ka artuın assızıqlap, persiktan soñ Rusiyägä iñ küp pomidor, vinograd, mandarin häm limonnıñ satıluın belderde.