Törkiyӓneň çӓy êksportı artqan
Ul bıyılnıň berençe kvartalında uzğan yılnıň şul uq çorı belӓn çağıştırğanda külӓm yağınnan 19%qa, qıymmӓt yağınnan 51%qa kübrӓk
1398563
Törkiyӓ bıyılnıň berençe kvartalında 75 ilgӓ 1047 tonna çӓy êksportlağan.
Könçığış Qara diňgez êksportçılar assośiyӓśiyse beldergӓnçӓ, uzğan yılnıň ӓlege dӓwerendӓ çit illӓrgӓ 880 tonna çӓy satılğan ham annan 2 million 573 meň 794 dollar tabış alınğan bulğan.
Bıyıl isӓ bu dӓwerdӓ çӓy êksportınnan alınğan kerem 3 million 875 meň 510 dollar bularaq terkӓlgӓn.
Bu isӓ uzğan yılnıň şul uq çorı belӓn çağıştırğanda külӓm yağınnan 19%qa, qıymmӓt yağınnan 51%qa kübrӓk.
Çӓy êksportında berençe urında Bel’giya , ikençe urında Tön’yaq Kipr Törek Cömhüriyӓte , öçençe urında Germaniya tora.