Soğud Ğaräbstanı neft' çığarunı arttıra

Soğud Ğaräbstanı ênergetika ministrı Abdulaziz bin Sälman berniçä ay êçendä neft’ êksportın köndälek 10 million barrel’dän arttıraçaqların belderde. Anıñ bu xaqtağı süzläre Al Arabiya kanalınıñ internet säxifäsendä urın aldı.  

Saudi Aramko uzğan atnada 1nçe aprel’dän başlap kliyentların köndälek 12,3 million barrel’ neft’ belän täêmin itäçägen citkergän ide.

Soğud Ğaräbstanı liderlığındağı OPEK häm Rusiyä citäkçelegendäge oyışmadan tış qayber däwlätlär 6nçı martta Avstriyäneñ başqalası Venada cıyıldı. Anda citeşterüne azaytu turında kileşä almadılar. Bu isä qara altın bäyäseneñ asqa tägäräwenä kiterde.

İke däwlätneñ dä dön’yaküläm neft’ bazarında üz öleşlären arttıru öçen aprel’dän başlap citeşterü külämen üsteräçäge turındağı belderüe isä ixtiyacdan kübräk produkt çığaçağın kürsätä. Bu wäzğıyät’ qara altın bäyäseneñ tübän däräcädä toruına kiterä.