Törkiyä turizm keremnäre yağınnan Awrupada 6 nçı urında

Törkiyä mädäniyat häm turizm ministrı urınbasarı Nadir Alpaslan uzğan yıl Törkiyägä 51 million 700 meñ turist kilüen häm turizmnan 34 milliard 500 milion dollar kerem alınuın belderde.

Ul 2019 nçı yılda turizm tarmağında rekor quyıluın belderep:” Uzğan yıl Törkiyädä 45 million 100 meñ çit il turistı häm 6 million 700 meñ çit illärdä yäşäwçe Törkiyä watandaşları qunaq buldı. Turist sanındağı artış 2018 nçe yıl belän çağıştırğanda 12,2%qa kübräk ide”,-dide.

Nadir Alpaslan beldergänçä, Bötendönya turizm oyışması 2018 nçe yılda Törkiyäne dönyada iñ küp turist qabul itüçe illär isemlegendä 6 nçı urında ,Awrupada 4 nçe urında kürsätte.

 Alpaslan turizm keremnäre yağınnan Törkiyäneñ dönyada 15 nçe,Awrupada 6 nçı urında buluın citkerde.