Çit il keşeläre öçen diagnostika üzäkläre
Sälamätlek saqlaw ministrı Fahrettin Koca sälamätlek saqlaw turizmı qısalarında Törkiyädän xezmät alaçaq awırularnıň däwalanğannan soň küzätüläreneň 20 ildä açılaçaq diagnostika üzäkläre belän täêmin iteläçägen belderde
Törkiyägä kilgän xasta sanında uzğan yılğa qarağanda 30% artışnıň buluına iğ’tibarnı yünältüçe Koca uzğan yılda Törkiyägä 553 meň awırunıň, bıyıl 10 ayda isä 650 meň xastanıň däwalanu öçen Törkiyägä kilüen äytte.
Sälamätlek saqlaw ministrı: "Yıl axırına qadär bu sannıň 760 meň buluın kötäbez. 2023nçe yıl öçen 1 million yarım xasta häm 10 milliard dollar kebek keremne maqsat itep aldıq”, - dip äytte.
Ministr Koca 2020nçe yılda 20 ildä ayıruça sälamätlek saqlaw koordinaśiya ofisların häm diagnostika üzäklären açunı maqsat itülären assızıqlap: "Bu qısada Rusiyädä, Azärbaycanda, Üzbäkstanda ofislar açaçaqbız. Aldıbızdağı yıl öçen dä bu sannı 20gä tämamlawnı maqsat itäbez”, - dip belderde.
Törkiyädä däwalanaçaq awırularnıň MRT, tomografiya, PÊT-KT kebek tikşerülär belän täfsille qarawdan soň quyılğan diagnoz êş barışınıň häm zarur bulğanda keçkenä operaśiyälärneň däwlät häm şäxsi belän universitet xastaxanälärendä yasala alınaçağın citkerüçe Koca annan soňğı barışta isä awırularnı kontrol’ itüneň açılaçaq diagnostika üzäklärendä başqarılaçağın äytte.
