Zimbabvenıñ êlekkege liderınıñ million dollarları qaldı

Zimbabveda 6nçı sentyabr’dä ülgän êlekkege däwlät başlığı Robert Mugabenıñ millionnarça dollar mirası qaldı. Anıñ mal-mölkäte ildä ozaq yıllar buyı bäxäslärgä säbäpçe bulğan ide.

Mugabenıñ cirle bankta 10 million dolları, başqala Xarareda 4 yortı, 10 avtomobile, 11 gektar cire häm ber ferması buluı açıqlandı. Matbuğat çaraları bu xaqta êlekkege lidernıñ qızı Bona Çekoverenıñ oktyabr’ ayında yuğarı mäxkämägä birgän isemlegenä tayanıp yaza. Ul mäxmädän ätiseneñ aqça häm küçemsez milegen ğailä isemenä terkäwlären sorıy. Mugabenıñ wasıyate yuq.

Qıtlıq häm iq’tisadi krizis belän köräşüçe Êfiopiyäneñ êlekkege liderı ülgännän soñ,  anıñ ildä häm çit illärdä 100 millionnarça dollarlıq mal-mölkäte qaluı alğa sörelde.

Robert Mugabe 6nçı sentyabr’dä 95 yäşendä baqıylıqqa küçte. Ul 2017nçe yılda xärbi tıqşınu näticäsendä 37 yıllıq xakimiyäten yuğalttı.