Törkiyägä investiśiyä arttı

2018nçe yılda dön’ya külämendä turıdan-turı investiśiyä 13%qa kimügä qaramastan, Törkiyägä aqça kertü 12,6%qa arttı. Bu xaqta Törkiyä ilbaşı kiñäşçese Fuat Oktay belderde.

Ul Törkiyä parlamentınıñ plan häm byudjet komissiyäse utırışında çığış yasadı. Oktay beldergänçä, investiśiyä ofisı ilgä 2018nçe yılda 518 million 750 meñ dollar investiśiyä kertelüen täêmin itte. Anıñ qısalarında 1106 keşegä êşkä urnaşu mömkinlege tudı.   

“Cämğıyät’tä zur mäg’lümati häm yasalma zihen programmaları qullanunı cäyelderü maqsatınnan Milli yasalma zihen strategiyäsen bıyılnıñ axırında iğ’lan itärgä planlaştırabız,”-dide ilbaşı kiñäşçese. Ul 2002nçe yılda 66 bulğan saqlanu sänäğate proyektlarınıñ bügen 700gä yaqınlaşuın dä äytep uzdı.