Qıtaydan Awrupağa kitüçe täwge yök poyezdı Änkarağa kilep citte

Qıtaydan yulğa çıqqan häm Marmaraynı qullanıp Awrupağa kiçäçäk täwge yök poyezdı başqala Änkarağa kilep citte.

Törkiyä tışqı êşlär ministrlığınnan yasalğan yazma belderüdä äytelgänçä, “Çayna Railway Êkspress” Qıtaynıñ Şian şähärennän quzğalğan.  Belderüdä Törkiyäneñ soñğı yıllarda transport asqormasın üzterü niyäte beläñ Aziyä häm Awrupa arasında özleksez bağlanış buldıruğa zur öleş kertüe assızıqlana.

Qıtaydan kilgän poyezdnı Änkara vokzalınnan tantanalı räweştä ozatıp cibärdelär. Ul Marmaray aşa Awrupağa yünälde.

Tantanada Törkiyä transport häm asqorma ministrı Cahit Turxan, säwdä ministrı Ruxsar Päkcan, Törkiyä cömhüriyäte däwlät timer yulları ğomum mödire Ali İxsan Uygun, Qazaxstan timer yulları citäkçese Sawat Minbayev, Azärbaycan iq’tisad ministrı urınbasarı Niyazi Säfärov häm başqa wäqalätlelär qatnaştı.

Ministr Turxan tantanada çığış yasap Qıtaynıñ yök êkspressı xaqında qayber mäğ’lümat citkerde. Marmaraynı iñ berençe bulıp qullanğan poyezd 42 yök maşinası zurlığında êlektron tovar taşıy. Anın tulayım ozınlığı 820 metr. Poyezd 2 qıytğa, 10 il häm 2 diñgezne ütep 11 meñ 483 kilometr yul ütäçäk. Anıñ säfären 12 köndä tögälläwe kötelä. Sonğı noqta Çexiyäneñ başqalası Praga bulaçaq.