Töş şikelle oçqıç İstanbulda

Törek Hawa yullarınıñ “Töş” oçqıçı İstanbulda. AQŞtan yulğa çıqqan Boeing 787-9 Dreamliner kiçä kilep citte. Anı Törek hawa yulları ğomum mödire Bilal Êkşi häm başqa wäqalätle zatlar qarşıladı.

Bilal Êkşi älege oçqıçnıñ tawışsız buluın, yulçılarnıñ bernindi aru-talu xis itmiçä yıraq aralarnı uza aluın söyläde.

300 keşelek oçqıçnıñ kabinası da üzençälekle. Ayırım “komfort urını”, utnı fil’trlaw, tağın da yaxşıraq hawa basımı saylaw häm dımlılıqnı arttıru mömkinlekläre bar.

“Töş” 14 meñ 140 kilometrğa oçu mömkinlegenä iyä. Başqa şundıy zurlıqtağı oçqıçlardan 20%qa azraq yağulıq qullana häm tağın da kübräk yök sıydıra.  

Törek Hawa yulları 30 danä Dreamlinerğa zakaz birgän. Bıyıl flotına 6sın alaçaq.

Süz uñayınnan, şirkät “Boeing 787-9 Dreamliner” törendäge oçqıçqa isem birü öçen Twitter aşa yulçılarğa anketa tutırtqan ide. Näticädä oçqıçqa 2017nçe yılda Trabzonda PKKlı terrorçılar tarafınnan üterelgän bala Ärän Bülbülneñ tuğan yağı “Maçka” iseme birelde. Oçqıç täwge oçışın da Trabzonğa yasayaçaq. Yıraq aralı oçış isä iyül’ ayı axırına taba Baliğa, soñraq Meksikanıñ Kankunına bulaçaq.