İran belän Rusiyä arasında 12 kileşü berketmäse imzalandı

İran däwlät matbuğatında çıqqan xäbärlärgä kürä, Rusiyä ênergetika ministrı Aleksandr Novak belän İran ênergetika ministrı Rıza Ärdäkaniyan İsfahan şähärendäge 15nçe İq’tisad häm säwdä xezmättäşlege urtaq komissiyası cıyılışında oçraştı.

Ärdäkaniyan cıyılışnıñ yomğaqlaw öleşendä yasağan çığışında ike il arasındağı iq’tisadi êlemtälär qısalarında möhim kileşülärgä ireşülären häm bolarnıñ töbäkkä kä yoğıntısı bulaçağın assızıqladı.

İran ênergetika ministrı Buşährdäge atom-töş stanśiyasınıñ ikençe häm öçençe bloklarınıñ êşli başlawı, Hürmüzganda ber meñ 400 megawat köçendä 4 termik stanśiyanıñ tözelüe, Ahvazda Ramin êlektrostanśiyasınıñ optimizaśiyası belän bergä êlektr ênergiyası, timer yul, sälamätlek saqlaw, diñgezçelek, turizm, texnologiya häm başqa tarmaqlarda Rusiyä belän İran arasında 12 kileşü berketmäsenä imza salınuı citkerelde.