Törek Qızılayı yӓrdӓm qulın suzdı
İranğa umanitar yӓrdӓm töyӓlgӓn 5 yök maşinası cibärelde
Su basu arqasında 44 keşeneñ ğomere özelgӓn, 265 keşe yaralanğan İranğa Törek Qızılayı yӓrdӓm qulın suzdı.
Humanitar yӓrdӓm töyӓlgӓn 5 yök maşinası hӓm 6 keşelek Qızılay törkeme Törkiyӓ-İran arasındağı Gürbulak çik buyı qapqasınnan uzıp, afӓt küzӓtelgӓn töbӓkkӓ yul tottı.
Törek Qızılayı hӓm İran Qızılayınıñ urtaq êşçӓnlege belӓn afӓtta zıyan kürüçelӓrgӓ 320 çatır, 500 urın-cir, 100 gigiyena tartması, 1625 odeyal, 360 aş-su kirӓk-yaraqları hӓm 60 miç taratılaçaq.
Törek Qızılayınıñ İranğa yӓrdӓm kürsӓtü törkeme şefı Anıl Kocabal: “5 yök maşinasına töyӓlgӓn humanitar yӓrdӓm materialıbıznı inşallah su basudan zıyan kürgӓnnӓrgӓ ireşterӓçӓkbez. Törek xalqı hӓrwaqıt mazlumnar yanında. İrandağı su basu belӓn bӓyle açılğan kampaniyabezgӓ watandaşlarıbıznıñ yӓrdӓmen kötӓbez,” – dide.
