20 million dollarlıq yärdäm
Katar Ğazzägä 20 million dollar külämendä finans yärdäm cibärde
Berläşkän Millätlär oyışmasınıñ Fälästin ofisı gumanitar yärdäm koordinatorı Djeymi MakGoldrik belän Katarnıñ Ğazzäne rekonstrukśiyäläw komitetı Möxämmät äl İmadi 20 million dollarlıq yärdäm protokolın imzaladı. Älege aqçalarnı Ğazzädäge gumanitar proyektlarında qullanu öçen Doxa idaräse BMOğa tapşıra.
Dokument basıp alınğan Könçığış Qudüstäge BMO Fälästin ofisı ğomum üzägendä imzalandı. MakGoldrik, sośial’ media xisabınnan belderü yasap, Katarnıñ yärdämeneñ Fälästin iq’tisadın üsterü nisbätennän ähämiyätle adım buluın äytte.
BMOnıñ Yaqın Könçığış tınıçlıq proşessı maxsus koordinatorı Nikolay Mladenov ta Twitter aşa Katarğa räxmäten citkerde. Ul älege yärdämneñ Ğazzädä yäşäwçe 2 million keşeneñ awır tormışın cineläytü maqsatınnan yaña êş mömkinlekläre belän täêmin itü häm xalıqnı uqıtuğa totılaçaqğın assızıqladı. “Tınıçlıqnı däwam itü, kileşügä teläktäşlek kürsätü häm barlıq tırışlıqlarğa çişeleş tabunıñ yulı bu,”-dip yazdı ul.
Cirle media xäbär itkänçä, BMOğa birelgän 20 million dollarlıq yärdäm Katarnıñ Ğazzägä birgän 150 million dollarlıq yärdäm paketına kerä.
