Awrupa Berlegennän süriyälelärgä yärdäm

Awrupa Berlegeneñ Süriyä krizisı regional’ ışanıç fondı Yordaniya, Törkiyä häm Ğıyraqtağı süriyälelär öçen tuplam 122 million yevro külämendäge humanitar yärdäm proyektların raslağan.

Yordaniyadağı süriyälelärgä belem birü, mediśina häm mädäni tarmaqlarda qullanu öçen 83 million yevro bireläçäk.

Törkiyädäge süriyälelär öçen 27 million yevro birü küzdä totıla.

Qalğan aqça Ğıyraqtağı süriyäle änilär häm balalarnıñ mediśina xezmätlärennän faydalanuı öçen sarıf iteläçäk.

Fond soñğı proyektlar belän bergä töbäktäge süriyälelärgä häm alar qaluçı illärgä tuplam 1 milliard 600 million yevro külämendä yärdäm cibärgän.