Törkiyä sälamätlek turizmın kiñäytä
Sälamätlek tarmağında başqa illräneñ iminiyät şirkätläre belän kileşülär tözergä niyätlilär
Törkiyädä täq’dim itelüçe mediśina xezmätlären başqa ber ildä dä bu bäyägä tabıp bulmıy. Bu xaqta sälamätlek saqlaw ministrı Fäxretdin Koca Anadolu agentlığına söyläde. Anıñ äytüençä, sälamätlek turizmı öçen Törkiyägä kilüçelär arasında Azärbaycan, Gruziyä, Germaniyä häm Rusiyä watandaşları küp. Ministr, ayıruça, onkologiyä, küz awıruları, baş miyenenä operaśiyä häm radioterapiyä öçen kilülären assızıqladı. Ul Törkiyäneñ sälamätlek turizmında iñ zur östenlege dip urnaşqan urının atıy. 4 säğat’lek oçış yıraqlığında milliard yarım keşe yäşi. Bu - urtaça häm yuğarı keremle qatlaw.
Fäxretdin Koca çäç häm organnar küçerep utırtu, yaman şeştän däwalaw şikelle tarmaqlarda başqa däwlätlärneñ iminiyät şirkätläre belän kileşülär tözergä niyätläwlären belderde. Bu da älege êştä xäräkätle çor başlanacağına işarät.
“Bügengä qadär sälamätlek turizmında milliard yarım dollar keremebez bar. Monı citärlek dip sanamıybız. 2023nçe yılğa qadär mediśina turizmında keremne 5 tapqır arttıru mömkin buluın isäplibez,”-dide ministr.
