“Cinayät’ êşe” urlandı

Franśiyädä 2006nçı-2017nçe yıllar arasında sal’monella viruslı sötlär satqan Laktalis şirkäten tikşerü dokumentları iq’tisad ministrlığınnan urlanğan. Gazetalar qaraqlıqnıñ inde 10nçı mayda uq buluın xäbär itä. Anda äytelgänçä, ministrlıqtağı korrupśiyä belän köräş ğomum direktorlığı ofisındağı komp’yuter bilgesez keşerlär tarafınnan urlanğan. Laktalis şirkäteneñ qırın êşläre turında mäğ’lümat ta şunda saqlanğan. Uğrılarnıñ remont arqasında waqıtlıça açılğan häm signalizaśiyäse bulmağan artqı işektän kerülare bilgele. Alar tup-turı tikşerü belän bäyle mäğ’lümatlar saqlanuçı kabinetqa yünälgän häm komp’yuternı alıp yuqqa çıqqan.

Älege qaraqlıq oçrağınnan soñ sal’monellalı söt belän bäyle tikşerü êşendä yaña çor başlandı. Laktalis şirkäte tön’yaq-könbatış Franśiyädäge fabrikasında çığarılğan bäbäy sötlärenä bakteriya yoğuın qabul itte. Oyışma êşlänmälären 80nän artıq ilgä çığara. Sal’monella şaw-şuınnan soñ şirkät ul fabrikada citeşterelgän bäbäy sötlären bazardan alu qararı birde. Barlığı 12 millionğa yaqın tovar kire qaytarıldı.