Törkiyä belän Rusiyä säwdä äyläneşendä zur artu

Törkiyä belän Rusiyä arasında säwdä äyläneşe bu yılnıñ ğıynvar-may aylarında, uzğan yılnıñ şul uq çorı belän çağıştırğanda, 46,2 %qa artıp 11,3 milliard dollar buldı.

Rusiyä Federal’ tamğaxanä xezmäte mäğ’lümatlarına qarağanda, Rusiyäneñ Törkiyägä êksportı yılnıñ berençe 5 ayında, uzğan yılğı belän çağıştırğanda, 44,6 %qa artıp 9,7 milliard dollarğa citte. İlneñ Törkiyädän importı isä, 60 %qa artqan.

Şulay itep, Törkiyä uzğan yıl belän çağıştırğanda, 50%qa üskän säwdä äyläneşe belän bıyılnıñ berençe 4 ayında Rusiyäneñ iñ zur 4nçe xezmättäşe däräcäsenä ireşte.