Kanada AQŞtan üç ala

Kanada tışqı êşlär ministrı Kristina Frilend AQŞnıñ tamojnya salımnarına qarşı cawap tariflarınıñ 1nçe iyül’dän ğamälgä kerüen belderde. Ul Gamil’ton şähärendä xezmät ministrı Petti Xaydu,  fän häm iq’tisadi üseş ministrı Navidêp Bêyns, xalıqara säwdä ministrı Fransua-Filipp Şampan’ belän urtaq matbuğat kiñäşmäse oyıştırdı. Anda Friland yaña tarif maqsatlarınnan kire adım yasamasqa süz birde. Ul 1iyül’dän ğamälgä keräçäk qarar belän AQŞ tovarlarına 16,6 milliard dollarlıq salım kertülären äytte. Friland beldergänçä, AQŞnıñ üz çaralarına säbäp itep xalıqara iminlek borçuların alğa sörüe “buş süz” häm “räncetüçe”.  “Kanada härwaqın AQŞ bazarı öçen ışanıçlı qorıç häm alyuminiy çığanağı buldı. Alarnıñ Kanada öçen çığarılğan yaña tarifları, Bötendön’ya säwdä oyışması häm Tön’yaq Amerika irekle säwdä kileşüe qağıydälärenä kürä, konservativ häm qanunğa qarşı. Bez dä cawap çarası kürüebez öçen şatlanmıybız, ämma AQŞ tarifları bezne industriyäbezne, êşçelärebezne häm cämğıyätebezne yaqlarğa êtärde. Monı däwam itäçäkbez. Bu küñelsez häm moñarçı kürelmägän añlaşılmawçılıqnıñ çın çişeleşe – AQŞnıñ qorıç häm alyuminiyğa tariflären kire aluı ğına bula ala ,”-dip söyläde Kanada tışqı êşlär ministrı.

Kiñäşmädä, şuläy uq, Kanada xökümäteneñ AQŞ tariflarınnan zıyan kürgän oyışmalarğa kompensaśiyä tüläyäçägen häm êşçelärneñ ildä qaluın täêmin itü öçen mäş’ğul’lekne iminiyätläşterü programması tormışqa aşırılacağın belderdelär.