“Törek ağımı” waqıtında tögällänäçäk
Rusiyäneñ “Gazprom” ênergetika şirkäte “Törek ağımı” proyektınıñ här ike öleşeneñ 600 çaqrımnan kübrägeneñ tämamlanuın beldergän
872912
“Gazprom” süzçese Sergey Kupriyanov “Rossiya 24” televideniyäsenä birgän äñgämäsendä: “Här ike yaqta 600 çaqrımnan kübräk ütkärgeç salındı. Ütkärgeçne salu êşläre ber köndä yaqınça 4 çaqrım tizlek belän däwam itä, bu bik yuğarı temp”, - dip assızıqlağan.
Kupriyanov: “Êşçänlek tiz räweştä däwam itä häm bäyan itelgän waqıtta tämamlanaçağı mäğlüm”, - dip äytkän.
“Gazprom”nıñ 7nçe mayda tözi başlağan “Törek ağımı” proyektı här berse 15 milliard 750 million kub metr zurlıqtağı ike öleşneñ salınuın küzdä tora.
Törkiyäneñ gaz ixtıyacın qanäğätländeräçäk berençe öleşneñ 2018nçe yılnıñ mart ayında ğamälgä kerüe, Awrupağa barıp citäçäk ikençe öleşneñ dä 2019nçı yılda xezmätkä kerüe kötelä.
