“Global iqtisadta totrıqsızlıq däwam itä”

Törkiyä iqtisad ministrı Nihat Zäybäkçi Qıtaynıñ Şanxay qalasında uzğan G-20 illäreneñ  säwdä ministrları cıyılışında qatnaştı.

Zäybäkçi biredä yasağan çığışında global iqtisadta totrıqsızlıqnıñ däwam itüen belderep, monıñ xalıqara säwdä üseşe häm turıdan –turı çit il investitsiya artışlarına da tä’sir itüen assızıqladı.

İqtisad ministrı Törkiyäneñ G-20 neñ çirattağı räislegendä säwdä häm kapital salu mäs’älälären üz êçenä aluçı kön tärtibenä östenlek birüen citkerde.

Nihat Zäybäkçi G-20 illäreneñ säwdä ministrları cıyılışınıñ açılış utırışınnan êlek Soğud Ğaräbstanı säwdä häm investitsiya ministrı Majid bin Abdullah Al Qasahi belän küreşep söyläşte.

Törkiyä iqtisad ministrı ikençe utırıştağı çığışında investitsiya kertü şartların yaxşırtuınıñ däwam itüçe barış buluın assızıqladı.

Törkiyä iqtisad ministrı Nihat Zäybäkçi global kapital salu säyäsäte xezmättäşlege häm koordinatsiyäsen täşwiq itüneñ ähämiyätenä dä basım yasadı.