İstanbulda global’ risklar bäxäsläşeläçäk

Törkiyä finans tarmağınıñ aldınğı şäxesläre, iqtisadçılar, yuğarı däräcäle citäkçelär häm jurnalistlar Märmär universitetınıñ finans klubı oyıştırğan Märmär iqtisad sammitında cıyıla.

“Dästäk qimmätle käğäzlär” oyışmasınıñ iğanäçelegendäge çara Märmär universitetınıñ Haydarpaşa şähärçegendä uzdırılaçaq.

"2016 global’ iqtisadı: risklar häm çişeleşlär" teması belän ütkärelüçe yuğarı däräcäle oçraşuda "Geopolitik risklar yoğıntısında dönya iqtisadı küreneşe”, “Üseş probleması: berdänber çara Üzäk banklarmı?", "Êşkärtelmägän tovar bäyäläre: geopolitik risklar häm soraw-taläp probleması" belän "İqtisadnı döres itep uqu: finans uqıy yaza belüçänlek" isemle utırışlar oyıştırılaçaq.

Yuğarı däräcäle oçraşunıñ açılış çığışın “Birja İstanbul” ğomum mödire Osman Saraçnıñ yasawı kötelä.