Dönyaküläm xärbi çığımnar arta

Üzäge Şvetsiya başqalası Stokgolmda urnaşqan Xalıqara tınıçlıq tikşerenü institutı xisabına kürä, global xärbi çığımnar 2015 nçe yılda annan elekke yıl belän çağıştırğanda 1%qa artıp 1 trillion 700 milliard dollarğa citkän.

Xärbi çığımnarnıñ artuına “DEAŞ” terror oyışmasına qarşı köräş, Yämändä suğuşnıñ däwam itüe, Qıtaynıñ Könyaq Qıtay diñgezendäge xaq-xoquq däğwaları, Rusiyäneñ Qırımnı yawlap aluı häm Ukrainadağı separatistlarğa yaqlaw kürsätüe kebek waqiğalar säbäp bulğan.

Xärbi çığımnar uzğan yıl Afrika, Latin Amerikasında kimegän bulsa, Amerika Quşma Ştatları, Awrupa, Aziya häm Yaqın Könçığışta artqan.

Xisaptan kürengänçä, Amerika Quşma Ştatlarınıñ çığımnarı 596 milliar dollar belän tuplam xärbi çığımnarnıñ yaqınça dürttän ber öleşen täşkil itkän.