Fälästin belän Yämängä azıq-tölek häm aqçalata yärdäm

Törkiyä qıyın xäldä qalğan illärgä yärdäm qulı suzuın däwam itterä.

Tışqı eşlär ministrlığı Fälästin belän Yämängä azıq-tölek häm aqçalata yärdäm cibärelüen belderde.

Törkiyä Ğazzädäge xastaxanälär öçen 1 million yarım dollarnı Bötendönya sälamätlek saqlaw oyışmasınıñ Fälästin wäkilçelegenä tapşırdı.
Älege finans yärdäme belän 13 xastaxanä häm 54 medpunktnıñ ixtıyacları qanäğätländereläçäk.
Yämängä dä yärdämnär däwam itä.
Bu qısada 6 meñ tonna humanitar yärdäm Yämängä cibärelde.