Saqlanu sänäğätendä "cirle öleş" artqan

TÜSİAD Törek sänäğätçeläre häm eşmäkärläre cämğiyäte idarä şurası başlığı Haluk Dinçär saqlanu sänäğäte tarmağında tudırılğan texnologiyalarnı eksportlawnıñ bik möhim buluın belderep: “Bıyıl 1,5 milliard dollarğa citäçägen uylıym”, - dip äytte.

Dinçär yasağan belderüendä saqlanu sänäğäteneñ Törkiyä cähätennän bik möhim tarmaq buluın, bu mäs’älädä qimmätle eşçänlek başqarıluın, bolarnı yaqınnan küzätülären äytte.

Törkiyädä saqlanu ölkäsendä bigräk tä Saqlanu sänäğäte idaräse säyäsäteneñ “töp rol” uynawına işarä itüçe Dinçär "offset" dip yörtelgän sänäğättä cirle öleş külämeneñ artuın assızıqlap äytep uzdı.

Uzğan yılnıñ ğinwar-avgust çorı kürsätkeçlärenä kürä 872 million dollar külämendä eksport yasağan saqlanu sänäğäte tarmağı bıyıl şul uq çorda isä 1 milliard 51 million 525 meñ dolarlıq eksport başqardı. Telgä alınğan şuşı çorda iñ küp saqlanu häm aviatsiya eksportı monnan elek tä bulğanı kebek yänä Amerika Quşma Ştatlarına yasaldı.