Ğazzäda yağulıq krizisı
Elektr stantsiyäsensdä çärşämbe könne eşläp çığaru tuqtap qalaçaq
Ğazzä energetika idaräse başlığı urınbasarı Fäthi äş-Şäyex Halil, Ğazzäneñ berdänber elektr stantsiyäseneñ yağulıq qıtlığı arqasında çärşämbe könne tulısınça tuqtayaçağın belderep, kileşü xökümäte belän elemtägä kerep problemanı xäl itärgä tırışuların äytte.
Elektrnıñ özelüeneñ humanitar fälaqätkä säbäp bulaçağın belderüçe Halil bu wazğiyätneñ embargo astındağı Ğazzädä yäşängän awırlıqlarnı arttıraçağın assızıqladı.
Kileşü xökümätendäge Fälästin sälamätlek saqlaw ministrlığı yasağan belderüdä Premyer-ministr Rami äl-Hamdallahnıñ yağulıq krizisına çişeleş tabıluı öçen boyırıq birüe äytelde.
Sälamätlek saqlaw ministrlığınıñ da Ğazzädäge xastaxanälärneñ ixtıyacı bulğan yağulıqnıñ tä’min itelüe öçen eşçänlek başlatuı assızıqlanğan belderüdä: “Yağulıq satıp alınuı öçen byudjettan 1 million şekel (yaqınça 290 meñ dollar) külämendä aqça ayırılıp quyıluı” äytelde.
Yağulıq awırlığı arqasında Ğazzädäge elektr stantsiyäse qayçağında eşläp çığaruın tuqtatıp tora. Yaqınça ber million 800 meñ keşe yäşäwçe Ğazzädä yäşängän yağulıq krizisı arqasında ber köndä 12 säğätkä xätle elektr özelä. Bu da salamätlek saqlaw tarmağı belän ber rättän şaqtıy ölkädä awırlıqqa yul aça.
