Mäskäwdä 21 nçe Bötendönya neft yärminkäse açıldı

Rusiya Federatsiyäse başqalası Mäskäwdä 21 nçe Bötendönya neft yärminkäse açıldı.

Yärminkäneñ açılışın Rusiya Federatsiyäse energetika ministrı Aleksandr Novak ,Katar energetika häm sänäğät ministrı Möxämmad bin Salih äl-Sada , Bötendönya neft şurası başlığı Renato Bertani yasadı.

55 meñ kvadrat metr mäydanğa qorılğan yärminkädä 500 dän kübräk xalıqara neft häm energiya şirkäte qatnaşa.

Stendları bulğan şirkätlär arasında Angliyäneñ “BP”, Niderlandnıñ “Shell”, Rusiyäneñ “Gazprom”, AQŞnıñ “Chevron” häm “ExxonMobil” şirkätläre urın ala.

Törkiyä nefte aktsionerlıq cämğiyäte dä yärminkä mäydanında üz stendın täqdim itä.

Stendta 2017 nçe yılda İstanbulda ütkäreläçäk 22 nçe Bötendönya neft kongressı häm Törkiyä tanıtıla.

Törkiyä energetika häm tabiği çığanaqlar ministrı Taner Yıldıznıñ da 19 nçı iyündä yärminkädä qatnaşuı kötelä.