Su basudan ülüçelär sanı artqan
Alarnıñ sanı 148 gä kütärelgän
Braziliyäneñ kön’yağındağı Riu - Grandi- du - Sul ştatında köçle yawım-töşemnär kiterep çığarğan su basudan ğomerlären yuğaltqan keşelär sanı 148gä, yuğalğannar sanı 127gä citkän.
Bu xaqta ştatqa bäyle Grajdannar saqlanu bülekçäse xäbär itä.
Su basu afätendä 807 keşe yaralanğan, annan zıyan kürüçelär 2 million 115 meñnän artıq.
620 meñnän artıq keşe yäşägän cirlären taşlap kitärgä mäcbür bulğan.
81 meñ keşeneñ çirkäwlärdä, mäktäplärdä häm sport zallarında qaluı häm êzläw-qotqaru êşläreneñ däwam itüe belderelä.
Cirle matbuğattağı xäbärlärgä qarağanda, Amerika Quşma Ştatları häm Yaponiya fäläkät töbägenä gumanitar yärdäm cibäräçäk.
Riu- Grandi- du - Sul ştatı gubernatorı Êduardo Leyt 3 nçe mayda yasağan belderüendä faciğanıñ zurlığı arqasında 180 könlek afät torışı iğ’lan itülären, xalıqnı êvakuaśiyäläw öçen zur tırışlıq quyuların citkergän ide.
İke tapqır afät töbägendä bulğan Braziliya däwlät başlığı Luiz İnasiu Lula da Silva töbäkne ayaqqa bastırırğa wäğ’dä birde.
