Qoyaştağı iñ zur şartlaw

Kiçä Qoyaşta axırğı 7 yılnıñ iñ zur şartlawı küzätelde. Bu xaqta Amerika okean häm atmosfera tikşerenüläre idaräseneñ Ğaläm hawa torışın farazlaw üzäge citkerde. Anıñ “X” sośial’ media platformasındağı yazmasında Qoyaşta xäzerge waqıtta baruçı śiklnıñ iñ zur şartlawınıñ kiçä buluı äytelä. Bu moña qadär terkälgän iñ zur 17nçe Qoyaş şartlawı. Ul qayber radiotapşırgıçlar häm oxşaş texnik cihazlarğa yoğıntı yasıy.

Amerika mediasında çağılış tapqan xäbärlärdä isä şartlawnıñ X8,7 däräcäsendä buluı belderelä. Bu üz sıynıfındağı iñ köçle häm 2017nçe yıldan birle iñ zur şartlaw.

Qoyaştağı şartlawlar “A”dan “X”qa qadär sıynıflandırıla. Här sıynıf üz êçendä 1dän 9ğa qadär masştablana.