Êlektron tämäkeneñ zıyanı

Êlektron tämäke tartuçı yäş’lärneñ sidek analizlarında uran häm qurğaş tabıldı. Amerika Quşma Ştatlarınıñ Nebraska universitetı belgeçläre moña bäyle tikşerenü ütkärde. Alar êlektron tämäkelärneñ yäş’lär organizmına täêsiren qarıy.

Tikşerenü kürsätkänçä, kön buyı daimi räweştä êlektron tämäke tartuçılar organizmnarın toksik metallarğa duçar itä ala. Kön däwamında kimendä 8 tapqır êlektron tämäke qullanuın beldergän 13 yäş’tän alıp 17 yäş’kä qadärge yäşüsmerlärneñ sidek analizında, ara-tirä tartuçılar belän çağıştırğanda, qurğaş -30%qa, uran ike tapqır artığraq çığa. 200 tartuçını üz êçenä alğan tikşerenü xälneñ borçu tudıruçı buluın kürsätä.