Gepatittan här kön 3500 keşe ülä

Bar dön’yada gepatit B häm C viruslarınnan här kön 3500 keşe yaqtı dön’yadan kitä.

Bötendön’ya sälamätlek saqlaw oyışması açıqlağan “Global’ gepatit xisabı 2024”tä gepatit arqasında ülemnärneñ artuı belderelde.

Xisaptan kürengänçä viruslı gepatit arqasında yılına 1 million 300 meñ keşe ülä.

Ul bar dön’yada yoğuçı xastalıqlar arqasında küzätelüçe ülemnärneñ ikençe iñ zur säbäbe bulıp tora.

Xisapqa kürä Bötendön’ya sälamätlek saqlaw oyışması 187 ildän alğan mäğlümatlarğa kürä viruslı gepatit arqasında farazlanğan ülem sanı 2019 yılda 1,1 millionnan 2022 yılda 1,3 millionğa kütärelde.

Xisapta bolay diyelä: “Bu ülemnärneñ 83%ına gepatit B, 17%ına gepatit C säbäpçe buldı. Gepatit B häm C infekŝiyaläre arqasında bar dön’yada här kön 3500 keşe ülä.”

Xisaptağı farazlarğa kürä 2022dä 254 million keşe gepatit B, 50 million keşe isä gepatit C belän yäşägän.