Qanqoyış däwam itä

İzrailneñ Ğazzä sızığına höcümnäre Ramazan bäyrämendä dä däwam itä.

Fälästin räsmi agentlığ “ WAFA” xäbärenä qarağanda, İzrail armiyäse Ğazzä şähäreneñ Sidra rayonında fälästinle “Ät-Tabatibi" ğailäse yortın bombalağan.

Berençe mäğ’lümatlarğa qarağanda, höcümdä 29 keşeneñ ğomere özelgän, 3 keşe yaralanğan.

İzrail armiyäse boralaqlarınıñ Ğazzä şähäreneñ Zäytun, Şucaiyyä häm Rimal mäxällälärendä kim digändä 3 yortqa höcümnärendä küp keşe cäräxätlängän.

Nusayrat qaçaqlar lagerınıñ tön’yaq öleşlärenä dä höcümnär yasalğan, qayber binalar cimerelgän.

İzrail ğaskärläreneñ Nusayrattağı “Äl – Cädid” qaçaqlar lagerında yortsız qalğan fälästinlelär sıyınğan mäktäpkä oyıştırğan höcümendä 1 keşe ğomeren yuğaltqan, şaqtıy keşe yaralanğan.

Grajdannarr saqlanu törkemnäre Ğazzä sızığınıñ kön’yağındağı Xan Yunıs şähäreneñ Äl - Ämäl mäxälläsendä cimerelgän binalar astınnan 13 keşeneñ çeregän mäyetlären çığarğannar.