Nigeriyada terrorçı höcüme
21nçe martta Madaka rayonında motośikllı keşelär oyıştırğan qorallı höcümnän soñ bäreleşlär däwam itä
2119636
Nigeriyanıñ Niger töbägendä qorallı höcümdä ğomere özelüçelärneñ sanı 66ğa citte. Ülüçelär arasında poliśiyä şefı da bar. Distälärçä keşe yuqqa çıqtı.
Cirle matbuğat yazğança, 21nçe martta Madaka rayonında motośikllı keşelär oyıştırğan qorallı höcümnän soñ bäreleşlär däwam itä. Kimendä 50 öy yanğan.
Nigeriyada törle töbäklärdä qorallı bandalardan tış, terrorçı oyışmalar “Boko Xaram” häm “DEAŞ”nıñ cirle däwamçısı “ISWAP”nıñ höcümnäre bulıp tora.
İldä, ülem cäzasına tartıluğa qaramastan, aqça taläp itü öçen keşe urlaw oçraqları yış küreneş.