Portugaliyada Sośialistlar partiyäse çorı tögällänä

Portugaliyädä irtägä irtä ğomumi saylawlar uzaçaq. Soñğı 9 yılda xakimiyättä bulğan xökümät räise Antonio Kosta, yaqınnarı arasında rişwätçelektä ğayeplänüçelär buluı arqasında, 2023nçe yılnıñ noyabrendä wazıyfasınnan kitte. Şunnan soñ ildä irtä saylawlar uzdıru qararı çığarıldı.

Soraştırulardan kürengänçä, 2015nçe yıldan birle xakimiyättä bulğan Sośialistlar partiyäseneñ 9 yıllıq östenlege tögällänäçäk şikelle.

Saylawlarda yarışuçı 19 säyäsi partiyäneñ 7seneñ parlamentqa wäkil cibäräçäge küzallana.

Portugaliyädä ğadäti şartlarda kiläse 4 yılda xakimlek itäçäk yaña xökümätneñ räise unçı Luis Montenegro yäisä sulçı Pedro Nuno Santos bulaçağı farazlana.