AQŞ Ğazzägä yärdäm töşerde

Amerika Quşma Ştatları Yordaniya patşalığı Hawa köçläre belän bergä Ğazzägä hawadan azıq-tölek yärdäme töşerüen citkerde.

AQŞ Üzäk komandirlığınnan yasalğan belderügä kürä AQŞ armiyasenä bäyle 3 C-130 yök oçqıçı Ğazzägä kiçä hawadan gumanitar yärdäm töşerde.

Yärdäm operaśiyase Yordaniya patşalığı Hawa köçläre belän urtaq räweştä çınğa aşırılğan.

Berlӓşkӓn Millӓtlӓr Oyışması räsmi zatları Ğazzädäge 2,3 million keşeneñ kim digändä dürttän ber öleşeneñ açlıq belän oçraşuın, hawadan töşerelgän yärdämnärneñ yärdäm taratuda yaxşı variant bulmawın, läkin soñğı çara bulıp toruın belderä.

İzrail Ğazzägä gumanitar yärdäm kertergä röxsät birmi, şul räweşle Yordaniya häm Misır da monnan alda Ğazzägä hawadan yärdäm töşergän ide.