G7 liderları Ukrainağa teläktäşleklären tağın ber qat rasladı

AQŞ, Germaniya, Franśiyä, Angliya, İtaliya, Kanada häm Yaponiyädän toruçı G7 däwlätläreneñ liderları Ukrainağa teläktäşleklären tağın ber qat raslawların citkerde. Alar Rusiyä belän Ukraina arasındağı suğışqa 2 yıl tulu nisbätennän videokonferenśiyä oyıştırdı. Şunnan soñ berdäm belderü yasadılar. Anda Rusiyäneñ BMO şartların açıq räweştä bozıp kiñ külämle basıp aluğa kereşüe äytelä.

“Ukraina Putinnıñ suğış maxinasın ciñü häm üzeneñ suverenlığın, cir bötenlegen häm bäysezlegen yaqlaw mäs’äläsendä ixtiyarlı buluın isbatladı. İlbaşı Putin Ukrainanı buysındıru yünäleşendäge strategik maqsatına ireşä almadı. Kiräksez suğışnı finanslaw öçen Rusiyäneñ çığanaqların sarıf itte, yözlärçä meñ rusiyäleneñ ğomere özelügä kiterde” diyelä belderüdä.

Anda Rusiyäne agressiv suğışın kiçekmästän tuqtatırğa häm xärbi köçlären xalıqara bilgelängän Ukraina territoriyäsennän tulısınça häm şartsız räweştä çığarırğa çaqıru yasala.