NATO Ukrainağa 1 million dron biräçäk

NATO ğomum särqatibe Yens Stoltenberg ittifaq berlektäşläreneñ Ukrainağa 1 million keşesez hawa apparatı cibärü öçen kileşüen citkerde. Ul Bel’giyä başqalası Brüssel’dä saqlanu ministrları häm NATO-Ukraina şurası cıyılışınnan soñ matbuğatqa belderülär yasadı.

“Ber törkem berlektäş Ukrainağa 1 million dron tapşıru maqsatı belän berläşä. 20 NATO äğ’zası minadan çistartu koaliśiyäse tözergä qarar birde,”-dip söyläde Yens Stoltenberg. Ul Törkiyä, Bolgariya häm Rumıniyäneñ Qara diñgezne minadan çistartu êşçänlegen bergä alıp barularına qanäğat’ buluın äytte. Bu Ukrainanıñ kontinental’ sularnı qullana aluına, Rusiyägä qarşı diñgezdä uñışqa ireşüenä häm aşlığın çitkä çığarırğa mömkinlek birä.

Stoltenberg, monnan tış,  Pol’şada yaña NATO-Ukraina berdäm analiz häm öyränü üzäge tözü qararı çığarıluın citkerde. Älege qorılmanıñ maqsatı - Ukraina armiyäse belän täcribä almaşu.