Suğış qorbannarınıñ sanı 26 meñgä yaqınlaştı

 Ğazzädäge sälamätlek saqlaw ministrlığı İzrailneň Ğazzä sızığında 111 kön êlek başlanğan häm äle dä däwam itkän köçle höcümnär xaqında belderü yasadı.

Qamaw astındağı Ğazzä sızığına höcümnärdä soňğı atnada 1 meň 280 fälästinle ğomeren yuğaltqan.

Şulay itep 7 nçe oktyabr’dän birle däwam itkän höcümnärdä ğomeren yuğaltqan fälästinlelär sanı 25 meň 900 gä, cäräxätlänüçelär isä 64 meň 110ğa citkän.

Belderüdä äytelgänçä, Ğazzägä mediŝina yärdäme bik çiklängän räweştä kertelä häm xastaxanälärdäge töp ixtıyaclarnı qanäğat’ländermi.

Xalıqara oyışmalarnı Ğazzädäge medisina oyışmaların darular häm mediŝina kiräk-yaraqları belän täêmin itärgä çaqıralar.

Ğazzädäge 7 meň yaralanğan häm awıru keşeneň ğomeren saqlap qalu öçen çittä däwalanuları kiräk.