Êritreya Germaniya ministrın qabul itmäde
Annalena Berbok utırğan oçqıçqa Êritreya hawa kiñleklärenä kerü röxsäte birelmi
2093255
Germaniyä tışqı êşlär ministrı Annalena Berbok utırğan oçqıçqa Êritreya hawa kiñleklären qullanu öçen röxsät birelmäde. Näticädä, ul marşrutın üzgärtep Soğud Ğaräbstanınıñ Ciddä şähärenä töşep utırdı. Bu xaqta Germaniyäneñ “DPA” xäbär agentlığı yaza.
Oçqıçnıñ kapitanı: “Barlıq tırışlıqlarıbızğa qaramastan, Êritreya aşa oçu röxsäte alıp bulmadı”-di.
Xäbärdä Êritreya tışqı êşlär ministrlığında êlektr özeklege kilep çığu säbäple aldan kiräkle röxsät alınmawı alğa sörelä. Oçış waqıtında röxsät kiler digän ömet belän oçqıç ber säğat’tän artıq Qızıl diñgez östendä äylänep tora.
Germaniyä tışqı êşlär ministrı Annalena Berboknıñ Djibuti, Sudan häm Keniyağa säfär yasawı kötelä.