Ğazzädä ülgän balalar häm xatın-qızlar

İzrailneñ Ğazzä sızığında 7nçe oktyabr’dän birle baruçı höcümnärendä 11 meñ bala häm 7 meñ 500 xatın-qız hälaq buldı. Ülüçelärneñ tulayım sanı - 25 meñ 925. Bu xaqta Ğazzädäge xökümätneñ media xezmätennän belderdelär.

Ğazzä sızığında äle haman 7 meñ keşeneñ cimereklär astında yatuı yäisä yuqa çığuı belderelä. Alarnıñ 70%ı balalar häm xatın-qızlar. 63 meñ keşe yaralı.

BMO ğomum särqatibeneñ gumanitar êşlär öçen cawaplı urınbasarı häm aşığıç yärdäm koordinatorı Martin Griffits isä sośial’ mediada yasağan belderüendä Ğazzädä här säğat’ sayın 2 ananıñ üterelüen citkerep, bolay dip yazdı: “7nçe oktyabr’dän birle Ğazzägä qarata yawızlıqta kimü kürenmi”.