AQŞta kisken qış şartları ülemgä kiterde

AQŞnıñ qayber ştatlarında xakimlek itüçe awır qışqı şartlar säbäple 6 köndä 21 keşeneñ ğomere özelde.

Qar burannarı häm suıq hawa dulqını arqasında 12nçe ğıynvardan birle Tennesi, N’yu-York, Arkanzas, Kanzas, Oregon häm Missisipi ştatlarında ülem oçraqları terkälde.

Tennesi sälamätlek saqlaw idaräse häm cirle wäqalätlelär tulayım 7 keşeneñ wafat buluın belderde, başqa 5 ştatta 14 ğomer özelgän.

Meteorologiyä xezmätläre N’yu-Yorknıñ Kanada çigendäge Buffalo şähäre tiräsendä 75 santimetrdan biyegräk qar yawuın, maşina belän yörüneñ mömkin tügellegen, buran tizlegeneñ isä urını belän säğatenä 65 çaqrımğa qadär citüen belderde.  

İlneñ üzäk öleşlärendä suıqlarnıñ comğa köngä qadär xätär däräcägä kire qaytuı häm bozlawıq qurqınıçın arttıruı citkerelde.  

Naçar hawa torışı säbäple AQŞta bügen 1090 oçış ğamäldän çığarılğan. İlneñ 3 ştatında 95 meñgä yaqın keşe êlektrsız qalğan.