Êt iten aşaw tıyıla
Kön’yaq Koreyada yaña qanun ğamälgä keräçäk
2086678
Kön’yaq Koreyada êt iten satu häm aşawnı tıyunı küzallawçı qanun ölgese parlamentta raslandı. Anı 208 deputat xupladı, 2se tıyılıp qaldı. İte öçen êtlärne citeşterü, suyu, taratu häm satunı tıyuçı qanunnıñ 2027nçe yılda ğamälgä kerüe kötelä. Anı bozuçılarğa 2 yıl törmä yäisä yaqınça 23 meñ dollar ştraf yanayaçaq.
Qanun, şulay uq, êt ite citeşterü tarmağında êşläwçe keşelärgä şöğıl’lären üzgärtü öçen subsidiyä birüne dä küzallıy.
Xökümät mäğ’lümatlarına qarağanda, Kön’yaq Koreyada yaqınça 1150 êt ferması, 34 êt suyuçı, 219 distribyutor häm êt itennän äzerlängän rizıq satuçı yaqınça 1600 restoran bar.
Kön’yaq Koreyada uzdırılğan ber soraştıruda qatnaşuçılarnıñ 90%ınnan artığı êt ite aşarğa uylamawın belderde.