Ğazzädä 7 meñ keşe yuğaldı

İzrail höcümnäre astındağı Ğazzä sızığında 7 meñ keşe yuğaldı.

Bolardan kübese xäräbälär astında yaqtı dön’yadan kitte. Ber öleşe dä İzrail köçläre tarafınnan urlandı.

Fälästinneñ räsmi agentlığı WAFAda urın alğan häm fälästinle räsmi bulmağan mäğlümatlarğa tayandırılğan xäbärdä 7 oktäbr’dän bügengä qadär İzrail höcümnäre astındağı Ğazzä sızığında aralarında xatın-qız häm balalar da bulğan yaqınça 7 meñ keşeneñ yuğaluı açıqlandı.

Bolardan kübese xäräbälär astında ülde, qayberläre isä İzrail ğaskäriläre tarafınnan urlandı.

Şaqtıy ğailä höcümnär häm mäcbüri räweştä küçenep kitü arqasında bülende. İnternet häm telekommunikaśiya xezmätläreneñ özelüe arqasında ğailälär balaları belän aralaşa almıy.

İzrail ğaskäriläre Ğazzä sızığında fälästinle ğailälärneñ öylärenä kergän, grajdannarnı qıynağan, aralarında xatın-qız häm balalar da bulğan qayber keşelärne urlağan.