"Xalıqnıñ dürttän ber öleşe açlıqtan ülä"
Bu xaqta BMOnıñ Yaqın Könçığıştağı fälästinle qaçaqlarğa yärdäm kürsätü häm ictimağıy êşlär agentlığınıñ êlemtä mödire citkerde
Berlӓşkӓn Millӓtlӓr Oyışmasınıñ Yaqın Könçığıştağı fälästinle qaçaqlarğa yärdäm kürsätü häm ictimağıy êşlär agentlığınıñ êlemtä mödire Jyul’yetta Touma İzrail höcümnärenä duçar qalğan Ğazzädäge wazğıyät’neñ qotoçqıç buluın belderde.
Touma İzrailneñ 7 oktäbr’dän bügengä qadär özleksez hawadan, cirdän häm diñgezdän bombağa totuına duçar qalğan Ğazzädäge wazğıyät’ belän bäyle bularaq BBC Radio 4 kanalınıñ “Today” isemle tapşıruında qatnaştı.
Sośial’ çeltärdä yasalğan belderü yasağan Touma bolay dip yazdı: “Ğazzädäge wazğıyät’ qotoçqıç. Xalıqnıñ dürttän ber öleşe açlıqtan ülä.”
Ğazzädä 600 meñ tiräse keşeneñ citdi açlıq belän köräşüenä işarät itkän êlemtä mödire bu wazğıyät’neñ blokadanıñ däwam itüe häm azıq-tölek belän ber rättän töp ixtıyaclarnıñ qanäğat’länderelmäwe näticäsendä barlıqqa kilüen assızıqladı.
“Xäzerge waqıtta gumanitar tänäfeskä ixtıyac bar. Ğazzä sızığına gumanitar yärdämne arttıru zarur. Anda bulğanda keşelär barı tik monnan süz itä ide. Qurıqqannar, alcağannar ide. Qurqu êçendä yäşilär, bombağa totu tuqtamıy,” – dide Jyul’yetta Touma.
