Ukraina çit illärdäge ir-atlarnı çaqıraçaq

Ukrainanıñ saqlanu ministrı Röstäm Umerov kiläse yılnı çit ildäge ukrainalı ir-atlarnıñ da armiyağa çaqırılaçağın belderde.

Ministr Umerov Germaniyadäge “Axel Springer” törkemenä bäyle gazetlarğa açıqlaw yasap, Ukraina çitendä yäşäwçe 25-60 yäş’lärdäge ukrainalı ir-atlarğa çaqırunıñ cibäreläçägen açıqladı.

Härkemgä qarşı ğadel bulırğa teläwlären citkergän Umerov bolay dide: “Bez çaqıru cibäräçäkbez. Kilü häm armiyağa quşılu alarnıñ da xaqqı.”

Ukraina ministrı älege çaqıruğa cawap birmäyäçäk keşelärneñ cäzağa tartılaçağın, cäzanıñ nindi räweştä bulaçağı mäs’äläsendä êşçänleklärneñ däwam itüen assızıqladı.

Germaniyadä xäzerge waqıtta yaqınça 190 meñ xärbi xezmätkä yaraqlı ukrainalı ir-at yäşi.