Mäçelärneñ 276 törle çıray küreneşe bar

Mäçelär ber-berse belän êlemtägä kergändä 276 törle çıray qullana.

Ğalimnär AQŞnıñ Kaliforniya universitetında 53 “Qısqa yonlı Britan” toqımlı mäçelärne 2021nçe yılnıñ avgustınnan 2022nçe yılnıñ iyünenä qadär küzätte. Alar pesilär öçen maxsus uylap tabılğan “Yöz xäräkäte kodlaw sisteması” qullana. Belgeçlär älege yort xaywannarınıñ ber-berse belän êlemtä qorğanda barlıqqa kilüçe “çıray signalları”n yözdäge muskullarnıñ xäräkätläre sanı häm törlärenä qarap analizlıy.

Mäçelär arasında 186 kontaktnı terkägän tikşerenüçelär 413en ata häm 275en ana pesilär birgän tulayım 688 yöz signalın kodlaştırdı. Näticädä, alarnıñ 276 törle çıray qullanuı açıqlandı. Kodlaştırılğan yöz xäräkätläreneñ 45,7%ı dustanä, 37%ınıñ agressiv buluı kürende.

Tikşerenüçelär qolaqları häm mıyıqları alğa taba xäräkätlängän häm küzläre yomılğan mäçelärneñ dustanä buluın, küz bäbäkläre keçkenäygän häm qolaqları başına taba yatqannarınıñ isä höcümgä äzerlänüen äytä.