Nigeriyadä terrorçılıqqa qarşı operaśiya

Nigeriya Hawa köçläre tarafınnan ilneñ tön’yaq-könçığışındağı Borno provinśiyasendä Boko Haram terror oyışmasına qarağan hawadan operaśiyalärdä yözdän artıq terrorçı täêsirsez xälgä kiterelde.

“Punch” gazetı xäbärenä kürä NAF süzçese Êdvard Gabkwet hawa operaśiyalärendä aralarında Boko Haram atamanı Äbu Äsad ta bulğan yözdän artıq terrorçınıñ üterelüen citkerde. Operaśiyalärdä terrorçılar sıyınğan lager’larnıñ yuqqa çığarıluın beldergän Gabkwet oyışmağa bäyle möhim xärbi kiräk-yaraqlarnıñ qulğa töşerelüen citkerde.

Nigeriyadä 2000nçe yıllar başında barlıqqa kilgän Boko Haram 2009 yıldan bügengä qadär oyıştırğan global’ terror höcümnärendä meñnärçä keşe yaqtı dön’yadan kitte.