"Baydennıñ säfäre İzrail armiyäseneñ Ğazzägä cir öste xäräkäten beraz kiçekteräçäk"

 İzrailneñ êlekkege xärbi küzläw idaräse başlığı Amos Yadlin beldergänçä, Amerika Quşma Ştatları ilbaşı Djo Baydennıñ säfäre İzrail armiyäseneñ Ğazzägä ixtimal cir öste xäräkäten beraz kiçekteräçäk.

İzraildä radioğa interv’yu birgän Yadlin İzrail armiyäseneñ Ğazzägä qarata cir öste operaśiyäseneñ qatğıy räweştä bulaçağın, berdänber problemanıñ anıñ waqıtı buluın äytte.

Amos Yadlin AQŞ ilbaşı Baydennıñ irtägä İzrailgä säfärenä işarä yasap, monıñ İzrail armiyäseneñ Ğazzägä cir öste operaśiyäsen beraz kiçekteräçägen citkerde.

İsegezgä töşeräbez: “Xamas” oyışmasınıñ xärbi qanatı “İz-ad-Din äl -Kassam” brigadaları 7nçe oktyar’dä İzrailgä qarşı “Aqsa tufanı” dip ataluçı külämle höcüm başlawın xäbär itte.

Ğazzädän İzrailgä taba meñnärçä raketa atıldı, qorallı törkemnär töbäktäge toraq punktlarğa kerde.

İzrail armiyäse dä moña cawap itep xärbi oçqıçlar belän Ğazzädä “Timer qılıçlar” xäräkäte başlawın iğ’lan itte.

Kiyerenkelek arta, ike yaqta da meñlägän ülüçe bar.