İzraildä protestlar däwam (дәвам) itä

İzraildä xökümät räise Bin’yamin Netan’yaxu citäkçelegendäge çiktän tış uñçı koaliśiyä (кoaлиция) xökümäteneñ xökem sistemasına kertäçäk tözätmälärenä qarşı protestlar 39nçı atnada da däwam (дәвам) itte.

Tel’ Aviv, Xayfa, Könbatış Qudüstän başlap il külämendä uzğan rizasızlıq çaralarında distälärçä meñ izraille qatnaştı. İñ küp keşe här atnadağıça Tel’-Avivta küzätelä. Anda xalıq Kaplan uramındağı Xökümät yortı (йорты) kompleksı qarşında cıyıla.

İzrail bayraqları kütärgän protestçılar barabannar, sıbızğılar belän ber ritmda “demokratiya” şiğar’läre qıçqıra.

Ber törkem isä Tel’-Avivnıñ töp arteriyäse sanaluçı Ayalon şossesın küpmeder waqıtqa yaba. Poliśiyä alarnı köç qullanıp yuldan yıraqlaştıra. İke keşe saq astına alınğan häm 7 keşegä ştraf salınğan.

Netan’yaxu xökümäteneñ xökem sistemasındağı tözätmälärenä qarşı protestlar xäräkäte yaqınça 10 ay il külämendä däwam (дәвам) itä.